“Тозагии соҳил” дар навоҳии Ҳисору Рӯдакӣ

Душанбе, 29.04.2014. (АМИТ «Ховар», Назир Назиров).- Бо мақсади пешгирии ифлосшавии соҳили дарёҳо, каналҳо ва ҷалби ҳарчи бештари шаҳрвандон ба тозагӣ дар ҷумҳурӣ гузаронидани иқдоми «Тозагии соҳил -2014» пешбинӣ шудааст. 26 апрели соли равон иқдоми мазкур дар ноҳияи Ҳисор ва Рўдакӣ гузаронида шуд.Дар чорабинӣ зиёда аз 2600 нафар сокини деҳаҳои Сомон,Чаманиён, Хонақои кўҳӣ ва ҷамоати деҳоти Алмосии ноҳияи Ҳисор ва деҳаҳои Муғулон,Сабзикор ва Гулистони ҷамоати деҳоти Гулистони ноҳияи Рўдакӣ фаъолона иштирок намуданд . Дар ин маърака аз хати муҳофизатии манбаъҳои обӣ, соҳили дарёи Хонақо, Кофарниҳон ва канали калони Ҳисор дар масофаи 15 км партовҳои маишӣ ва партовҳои сохтмонӣ ба миқдори 240 мі ҷамъоварӣ гардида, бо истифодаи 13 адад техника ба партовҷойҳои расмӣ бароварда шуданд.