Унвони фахрӣ ба Ҳамзаалӣ Раҳимов

Душанбе, 10.02.2014 (АМИТ “Ховар”, Фарзонаи Давлат).- Имрӯз  раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Маликшо Неъматов Ҳамзаалӣ Раҳимов, рӯзноманигори собиқадор ва шореҳи варзишро барои хизмати шоён ва саҳми назаррас  дар рушду густариши соҳаи тарбияи ҷисмонӣ ва варзиш дар ноҳияи Ёвон бо унвони фахрии «Корманди шоистаи тарбияи ҷисмонӣ ва варзиши Ҷумҳурии Тоҷикистон” қадрдонӣ кард.
Тавре ки дар ин бора аз Кумитаи ҷавонон, варзиш ва сайёҳӣ хабар доданд, Неъматов аз  ташаббусҳои Ҳамзаалӣ дар дастгирии варзишгарон, интихоб ва дарёфти варзишгарони касбӣ ва  тарбияи онҳо барои расидан ба дараҷаҳои баланди варзишӣ ёдовар шуда, гуфт, ки мо  бо ин гуна мардон ҳамеша ифтихор мекунем. Маҳз натиҷаи ҳамин дастгириҳост, ки  варзишгарони  ноҳия   натиҷаҳои хуби варзиширо соҳиб мешаванд.