Қазоқистону Қирғизистон бо таҷрибаи Тоҷикистон шинос мегарданд

Душанбе, 14.05.2014. (АМИТ «Ховар», Екатерина Пасторова).- Ҳайати хадамоти миллии сили  Қазоқистон ва Қирғизистон бо сафари корӣ ба Душанбе ташриф оварданд. Дузтурон аз кишварҳои ҳамсарҳад бо кори Маркази ҷумҳуриявӣ оид ба пешгириии бемории сили Тоҷикистон шинос мегарданд. Дар ин бора директори Марказ   Уктам Бобохоҷаев ба АМИТ « Ховар» иттилоъ дод.
 Тибқи иттилои мавсуф, дар давоми 4 рӯз меҳмонон таҷрибаи Тоҷикистонро дар мубориза бо бемории сил меомӯзанд. Духтурон аз Қазоқистон ва Қирғизистон ба Марказҳои минтақавии дар Рашт ва Тоҷикобод буда сафар намуда, бо амалигардонии Барномаҳои давлатии мубориза бо бемории  сил дар кишварамон шинос мегарданд.
«Меҳмонони мо таҷрибаи Тоҷикистонро дар мубориза бо сил омӯхтаниянд ва  мо чизҳое дорем, ки ба онҳо нишон диҳем. Масалан , дар ҷумҳурии мо қарор дар бораи пурра манъ намудани воридот ва татбиқи  доруҳои зиддисилӣ қабул гардид», қайд намуд Бобохоҷаев.