Қурбҳои асъори хориҷӣ тағйир ёфтанд

 Душанбе, 12.05.2014. (АМИТ «Ховар», Лайло Тоирӣ).- Дар нуқтаҳои мубодилаи асъори ҷумҳурӣ дар давоми ҳафтаи ҷорӣ қурби доллари ИМА андаке баланд шуда, ба ҳисоби миёна 5,0715-5,0900 сомониро ташкил намуд. 
   Бино ба иттилои хадамоти матбуоти Бонки миллии Тоҷикистон, дар ин давра қурбҳои миёнаи амалиёт бо рубли русӣ ва евро низ каме баланд шуда, 0,1402-0,1413 сомонӣ ба як рубли русӣ ва 6,9627-6,9862 сомонӣ ба як евро баробар шуданд. 
     8 май  қурби миёнаи доллари ИМА дар нуқтаҳои мубодилаи асъори шаҳрҳои Душанбе 5,0720-5,0920 сомонӣ, Хуҷанд 5,0800-5,0900 сомонӣ ва Қурғонтеппа 5,0800-5,1000 сомониро ташкил дод.