Ҷаласаи машваратии комиссияи байниҳукуматии Тоҷикистону Қирғизистон
Душанбе, 12.05.2014 (АМИТ «Ховар», Фарзонаи Давлат).-Имрӯз дар шаҳри Душанбе даври навбатии ҷаласаи машваратии комиссияи байниҳукуматии Ҷумҳурии Тоҷикистон ва Ҷумҳурии Қирғизистон оғоз гардид.Ҳайати ҳукумати Ҷумҳурии Тоҷикистонро дар гуфтушунидҳо муовини Сарвазири мамлакат Муродалӣ Алимардон роҳбарӣ менамояд. Ҳайати ҳукумати Ҷумҳурии Қирғизистон бо роҳбарии муовини Сарвазир Абдурахмон Маматалиев дар ин ҷаласа иштирок доранд.Ҷонибҳо дар даври навбатии ҷаласаи муштараки машваратӣ баъди тасдиқи рӯзномаи корӣ рафти иҷрои созишҳои қаблии муайянсозӣ ва аломатгузории марзи давлатӣ, роҳҳои нави аз байн бурдани мушкилоти марзӣ, сохтмони роҳҳо дар ноҳияҳои наздисарҳадӣ, истифодаи чарогоҳҳои назди сарҳадӣ, дарёфти асосҳои ҳуқуқии муайянсозӣ ва аломатгузории марзи байнидавлатӣ дар минтақаҳои боқимонда ва масоили таҳияи қарордоди ҳамкорӣ оид ба сарҳади давлатии Ҷумҳурии Тоҷикистон ва Ҷумҳурии Қирғизистонро мавриди муҳокима қарор доданд.Кори ҷаласаи мазкур 13-уми май идома ёфта дар анҷоми он имзои санадҳои дар рафти музокирот ва гуфтушунидҳои дуҷониба мувофиқашуда дар назар дошта шудааст.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
