Авбошон дастгир шуданд

Душанбе, 12.05.2014. (АМИТ «Ховар, Муқаддас  Темурзода). – Кормандони  милиса  6  нафар   шаҳрвандони  ҷумҳуриро бо гумонбари  авбошӣ  дастгир  намуданд. 
Мувофиқи  хабари  ВКД ҶТ, кормандони  милисаи   ноҳияи  Шоҳмансур ҳангоми роҳандозии  чорабиниҳои  фаврӣ сокинони шаҳри  Душанбе   Манучеҳр  Исозодаи  22 —  сола,  Беҳруз  Раҷабови  20 —  сола,  Шӯҳрат  Раҳмонови  38 —  сола,  Ҳусейн  Мӯъминови  26 – сола,  Музаффар  Саидови  24 —  сола ва Абдувалӣ  Валиевро  дастгир  намуданд. 
Авбошони  зикршуда 7 май  тартиботи  ҷамъиятиро  вайрон  карда,   шаҳрванди  31 —  солаи пойтахт  Умед  Рамазоновро  латукӯб  намуданд.
Аз  рӯи  ин  ҳодиса  парвандаи  ҷиноӣ  кушода,  тафтишот  идома дорад.