Ба пешниҳоди Президент Парлумон ризоият дод
Душанбе, 12.05.2014.(АМИТ «Ховар», Марзия Саидзода).-Палатаи поёнии Парлумони Тоҷикистон 14 май ба пешниҳоди Президенти Ҷумҳурии Тоҷикистон Эмомалӣ Раҳмон барои ба муҳлати навбатӣ ба вазифаи Ваколатдор /Омбудсмен/оид ба ҳуқуқи инсон дар Ҷумҳурии Тоҷикистон таъйин намудани Зариф Ализода ризоият дод. Ҳамин тариқ, Зариф Ализода, ки аз соли 2009 инҷониб дар вазифаи Ваколатдор оид ба ҳуқуқи инсон дар Ҷумҳурии Тоҷикистон фаъолият дошт, дубора ба ин вазифа таъйин гардид. Зариф Ализода 52 сол дошта, соли 1962 дар ноҳияи Ҷалолиддини Румӣ (собиқ Колхозобод) таваллуд шудааст. Мавсуф ҳуқуқшиноси варзида буда, дар вазифаҳои гуногуни давлатӣ аз ҷумла, солҳои 1997-2000 узви Комиссияи оштии миллӣ, 1995-2000 муовини раиси Суди конститутсионии Ҷумҳурии Тоҷикистон, 2000-2001 вакили Маҷлиси намояндагони Маҷлиси Олии Ҷумҳурии Тоҷикистон — раиси Кумитаи қонунияти конститутсионӣ, қонунгузорӣ ва ҳуқуқи инсони Маҷлиси намояндагони Маҷлиси Олии Ҷумҳурии Тоҷикистон, 2001-2003 сардори Раёсати хизмати давлатии назди Президенти Ҷумҳурии Тоҷикистон, 2003-2006 Раиси Суди конститутсионии Ҷумҳурии Тоҷикистон, 2006-2009 Мушовири давлатии Президенти Ҷумҳурии Тоҷикистон оид ба сиёсати ҳуқуқӣ — Намояндаи комилҳуқуқи Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон фаъолият намудааст. Бояд тазаккур дод, ки Ваколатдор оид ба ҳуқуқи инсон бо пешниҳоди Президенти Ҷумҳурии Тоҷикистон ва ризоияти Парлумон ба муҳлати 5 сол таъйин мешавад.
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
