Баланд бардоштани нақши ҷавонон дар рушди идораи давлатӣ
Душанбе, 13.05.2014. (АМИТ «Ховар», Мавҷуда Анварӣ). — Дар Донишкадаи идоракунии давлатии назди Президенти ҶТ конфронси ҷумҳуриявии илмию назариявӣ дар мавзӯи «Масоили баланд бардоштани нақши ҷавонон дар рушди идоракунии давлатӣ ва хизмати давлатӣ » баргузор гардид.
Конфронсро ректори Донишкада Розиқзода Абдулҳакими Шералӣ оғоз намуда, суханони худро бо истинод аз Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олӣ , ки: «Тарбияи ҷавонон ва занону духтарони болаёқат ва ҷалби ҳарчи бештари онҳо ба корҳои давлатию ҷамъиятӣ минбаъд боз ҳам тақвият дода мешавад» таҳким бахшид.
Дар кори конфронс беш аз 150 нафар намояндаи мақомоти давлатӣ, ниҳодҳои илмӣ, магистрҳо, магистрантҳо ва олимони ҷавон ширкат варзида, дар мавзӯъҳои «Паёми Президенти ҶТ- таҳкимбахши нақши ҷавонон дар ҷомеа», «Таҷассуми масоили ҷавонон дар Паёмҳои Президенти ҶТ», «Нақши ҷавонон дар идораи давлат», «Ифтихори давлатдорӣ ва ҷавонон», «Нақши ҷавонон дар ташаккули ҷомеаи шаҳрвандӣ», «Таҳкими тарбияи меҳанпарастии ҷавонон дар замони истиқлол ва идораи давлатии равандҳои муҳоҷирати меҳнатии ҷавонон дар ҶТ» маърӯза намуданд.
Дар ин бора ба АМИТ «Ховар» роҳбари магистратураи донишкадаи мазкур Сунатулло Гадоев хабар дод.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






