Баррасии ҳамкориҳои Тоҷикистону Қирғизистон
Душанбе, 13.05.2014 (АМИТ «Ховар», Фарзонаи Давлат).-Имрўз Сарвазири мамлакат Қоҳир Расулзода бо ноиби Сарвазири Ҷумҳурии Қирғизистон Абдураҳмон Маматалиев, ки ҷиҳати иштирок дар даври навбатии ҷаласаи машваратии гурӯҳи байниҳукуматии Ҷумҳурии Тоҷикистон ва Ҷумҳурии Қирғизистон дар шаҳри Душанбе қарор дорад, мулоқот кард.
Дар мулоқот масоили рўзномаи ҷаласаи навбатии гурӯҳҳои ҳукуматии ду давлат доир ба муайянсозӣ ва аломатгузории марзи давлатӣ, таҳкими робитаҳои наздисарҳадӣ, пешгирӣ ва бартарафсозии мушкилоту ихтилофоти марзи ду давлат, сохтмони роҳу кӯпрукҳо ва рушди робитаҳои дўстона дар соҳаи нақлиёт ва рафтуои бемамониати шаҳрвандон, ҳамчунин масъалаи беҳтар гардонидани кори комиссияи байниҳукуматии Ҷумҳурии Тоҷикистон ва Ҷумҳурии Қирғизистон оид ба ҳамкориҳои иқтисодӣ мавриди баррасӣ қарор дода шуданд.
Тавре ки таъкид шуд, Тоҷикистонро бо Қирғизистон робитаҳои неки ҳамсоягӣ бо ҳам мепайванданд ва ҳар ду кишвар ба таҳкиму тақвияти ҳамкориҳои байнидавлатию байниҳукуматӣ бештар ҳавасмандӣ зоҳир менамоянд.
Дар мулоқот ҳамзамон масоили саҳмгузорӣ ва ҳамгироии ду давлат дар татбиқи лоиҳаҳои бузурги минтақавӣ, аз ҷумла сохтмони роҳҳои оҳан ва хаттҳои интиқоли барқи байнидавлатӣ мавриди баррасӣ қарор дода шуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






