Бетаҷрибагии ронанда- боиси марги хурдсол

Душанбе, 8.05.2014. (АМИТ «Ховар», Муқаддас Темурзода). — Тавре ки маркази матбуоти ВКД хабар медиҳад, дирӯз ронандаи мошини тамғаи «Mersedes — Bens», сокини 31 — солаи шаҳри Конибодом Фарҳод Холиқов ҳангоми ҳаракат бо кӯчаи Т.Холиқови шаҳри мазкур бехатарии ҳаракати роҳро таъмин карда натавониста, ба самти муқобили роҳ баромада, пиёдагарди хурдсол Беҳрӯз Абдуалиеви чорсоларо пахш намуд. Дар натиҷа, хурдсол ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.