Фархор: Хизматрасонӣ ба нафақагирон беҳтар мешавад

Фархор, 12.05.2014. (АМИТ «Ховар», Сулаймони Хол).-Ба иттилои  сардори Раёсати Агентии суғуртаи иҷтимоӣ  ва нафақаи  ноҳияи Фархор  Аъзам  Ҳабибов дар ноҳия  11 ҳазору  795 нафар нафақахӯр ба қайд гирифта шудааст, ки  дар чор моҳи соли ҷорӣ талаботи нафақаи онҳо баробар ба 10 млн. 311 ҳазор сомонӣ мебошад. Дар қайди  раёсат аз бахши бақайдгирии равзанаи  ягонаи нозироти  андози ноҳия  дар асоси рӯйхатҳои  пешниҳодгардида  ҳамагӣ  1875   ташкилоту муассиса, кооперативҳои истеҳсолӣ  мебошад ва ба ташкилоту муассисаҳо  пурсишнома равон гардида,  рақами суғуртавии онҳо  дода шудааст.  Оид ба  ҷамъоварии маблағҳои  суратҳисоби  захиравии  шахсони  суғурташуда бояд гуфт, ки дар  ин давра ба суратҳисоби  раёсат    аз ҳисоби  андози  иҷтимоӣ 198 ҳазору 500  сомонӣ ворид гардид, ки 109,6 %-и нақшаро дар бар мегирад.