«Иштибоҳ» ӯро водор месозад, ки худкушӣ намояд

Душанбе, 13.05.2014. (АМИТ «Ховар», Мавҷуда Анварӣ). —  «Иштибоҳ» -намоишномаи фоҷиавӣ аз рӯйи асари нависандаи шаҳири Фаронса Албер Камю аст, ки рӯи саҳнаи Театри давлатии ҷавонон ба номи Маҳмудҷон Воҳидов омад. Коргардони намоишнома ҳунарманди шинохта Нозим Меликов мебошад. 
«Иштибоҳ» фоҷиаест, ки дар он зан қотил аст ва лаззати куштор он қадар чашмашро хира намуда, ки фарзанди худро намешиносад ва  ӯро ба марг ҳукм мекунад. Танҳо дар охирин лаҳза мефаҳмад, ки писарашро куштааст ва дарки ин иштибоҳ ӯро водор месозад, ки худкушӣ намояд ва ин пандест дар шинохти инсонияту воқеияти рӯзгор.
Нақшҳоро ҳунармандон Раҷабгул Қосимова, Моҳпайкар Ёрова, Сӯҳроб Ҷанҷолов, Қамариддин Мирзоев, Абдулмуъмин Шарифов, Парвина Боҳирова, Нигора Ҳилолова ва Шогун Давлатбекова хеле ҷаззоб офаридаанд.