Конфронси байналмилалӣ аз рӯи масоили СҲШ

Душанбе, 13.05.2014. (АМИТ «Ховар). – 14 ва  15  май   дар Маркази  тадқиқоти  стратегии  назди  Президенти Ҷумҳурии  Тоҷикистон  Конфронси  илмию  амалии  байналмилалии «Созмони Ҳамкории  Шанхай дар  таъмини амнияти минтақа: масоил ва  дурнамо» баргузор  мегардад.
Дар  ҷараёни  конфронс   масъалаҳои  «СҲШ ва  масоили амнияти  минтақа  баъди  соли  2014», «СҲШ  ва  масъалаҳои  таҳкими ҳамкории иқтисодӣ», «Афғонистон  баъди  ихроҷи  қӯшунҳои эътилоф  ва  масоили   амнияти Осиёи  Марказӣ», «Рушди  ҳамкорӣ  дар  бахши  нақлиёту  коммуникатсияҳои  байни   давлатҳои  аъзои  СҲШ, кишварҳои   мушоҳид  ва  мушорикони  муколама» ва  ғайра  мавриди  муҳокима  қарор  мегиранд.