«Марзбони Ватан» -туҳфа ба сарҳадбонони Ватан

Душанбе, 14.05.2014. (АМИТ «Ховар», Мавҷуда Анварӣ). -«Марзбони Ватан»- таҳти чунин унвон маҷаллаи идона ва як китоби хонданӣ иборат аз ашъори шоирони муосири тоҷик, инчунин, сарбозону афсарони соҳибқалами Қӯшунҳои сарҳадии КДАМ ҶТ омодаи нашр аст. Муҳаббат ба Ватан, ҳифзи марзу буми он, корнамоиҳои сарбозону афсарони шуҷои қӯшунҳои сарҳадӣ мавзӯъҳои умдаи ин маҷмӯа хоҳанд буд.Дар назар аст, ки дар арафаи ин ҷашни таърихӣ Осорхонаи қӯшунҳои сарҳадӣ низ мавриди баҳрабардорӣ қарор бигирад.Ёдовар мешавем, ки охирҳои моҳи май 20-солагии таъсиси Қӯшунҳои сарҳадии КДАМ ҶТ бо шаҳомати хосса таҷлил мегардад.