Масъулини шаҳрдорӣ ба аёдати собиқадорони ҶБВ мераванд

Душанбе, 8.05.2014.(АМИТ “Ховар”, Марзия Саидзода).- Шаҳрдории Душанбе дар рӯзи ҷашни Ғалаба ба иштирокчиён ва маъюбони Ҷанги Бузурги Ватанӣ, ки дар пойтахт зиндагӣ мекунанд, 900 сомонигӣ кумаки молиявӣ мерасонад. Дар робита ба ин Маҳмадсаид Убайдуллоев- раиси шаҳри Душанбе зимни баргузории ҷаласа муовинон ва раисони ноҳияҳои пойтахтро муваззаф намудааст, ки дар Рӯзи ҷашни Ғалаба, ки фардо, 9 май таҷлил мегардад, ба аёдати шахсии 116 нафар иштирокчӣ ва маъюби ҶБВ рафта, кумаки  молиявии шаҳрдориро супоранд.
Инчунин раиси шаҳр аз аҳли ҷаласа даъват намудааст, ки нисбат ба иштирокчиён ва маъюбони ҶБВ пайваста ғамхорӣ намуда, нисбат ба корнамоию мардонагии онҳо арҷгузор бошанд.