Мавсими лигаи якум оғоз меёбад

Душанбе, 14.05.2014. (АМИТ «Ховар). – 15 май мавсими нави мусобиқоти Тоҷикистон байни дастаҳои лигаи якум оид ба футбол оғоз меёбад. Тавре ки аз Федератсияи футболи Тоҷикистон хабар доданд, ин мусобиқот, чун соли гузашта дар минтақаҳои Душанбе ва Суғд баргузор гардида, даври аввали он аз рӯи нақшаи маъмулии дудаврӣ сурат мегирад. Дар даври аввали минтақаи Душанбе даҳ даста, аз қабили «Панҷшер» — и Ҷалолиддини Румӣ, «Куктош» — и Рӯдакӣ, «Нури Норак» — и Норак, «Саройкамар» — и Панҷ, «Бохтар» — и Бохтар, «Хулбук» — и Восеъ, «Пахтакор» — и Қубодиён, «Чашма» — и Шаҳритус», «Ҳосилот» — и Фархор ва «Локомотив» — и Душанбе қувваозмоӣ менамоянд. Бозиҳои даври аввал рӯзи ҷумъаи 16 май баргузор мешаванд.Дар мусобиқоти минтақаи Суғд 12 даста, яъне «Ҷавонӣ» — и Ҷаббор Расулов, «Спитамен» — и Спитамен, «Шаҳристон» — и Шаҳристон, «МТИ» — и Хуҷанд, «Зарафшон» — и Панҷакент, «Мастчоҳ» -и Мастчоҳ, «Эсхата» — и Хуҷанд, «Қайроққум» — и Қайроққум, «Қанд» — и Конибодом, «Сайҳун» — и Бобоҷон Ғафуров, «Исфара» — и Исфара, «Ваҳдат» и — Ашт иштирок менамоянд.