Муҳокимаи амнияти минтақа аз ҷониби 14 давлат
Душанбе, 14.05.2014. (АМИТ «Ховар», Мавҷуда Анварӣ). — Ин лаҳзаҳо дар Маркази тадқиқоти стратегии назди Президенти Ҷумҳурии Тоҷикистон конфронси илмию амалии байналмилалии «Созмони Ҳамкории Шанхай дар таъмини амнияти минтақа: масъала ва дурнамо» ҷараён дорад.
Дар кори конфронс олимон ва коршиносони кишварҳои аъзои созмон-Қазоқистон, Чин, Қирғизистон, Русия, Тоҷикистон ва Ӯзбекистон, кишварҳои нозири созмон-Афғонистон, Ҳиндустон, Муғулистон, Покистон, Эрон ва шарикони муколамаи Созмон-Беларус, Туркия ва Шри-Ланка иштирок ва суханронӣ менамоянд.
Конфронсро директори Маркази тадқиқоти стратегии назди Президенти ҶТ Худобердӣ Холиқназар оғоз кард. Дар ифтитоҳи расмии кори конфронс сухани табрикотии Президенти ҶТ Эмомалӣ Раҳмон ба иштирокчиёни конфронс садо дод, ки онро ёрдамчии Президенти ҶТ оид ба масъалаҳои робитаҳои хориҷӣ Эркинхон Раҳматуллозода қироат намуд. Ҳамчунин роҳбарони ҳайатҳои давлатҳои аъзои созмон бо суханронии кӯтоҳ иштирокчиёнро шодбош гуфаанд.
Дар қисми якуми бахши аввали конфронс таҳти унвони «Созмони Ҳамкории Шанхай ва масъалаҳои амнияти минтақавӣ баъди соли 2014» оғоз гардид, ки дар он суханронӣ ва мубодилаи афкори намояндагони Русия, Тоҷикистон, Қазоқистон, Ӯзбекистон, Шри-Ланка, масъулини дафтари Маркази минтақавии зиддитерористии СҲШ ва СПАД оид ба мушкилоти таъмини амнияти минтақавӣ, ҷойгоҳи СҲШ дар ин раванд ва масъалаҳои таҳкими суботу амнияти давлатҳои аъзо ва кишварҳои нозиру шарики муколама мавриди баррасӣ қарор мегирад.
Конфронс ду рӯз идома меёбад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






