Мусобиқаи ҷумҳуриявии футбол миёни бонувон

Душанбе, 13.05.2014 (АМИТ «Ховар», Фарзонаи Давлат).- Рӯзҳои 13-17-уми майи соли равон дар варзишгоҳи марказии шаҳри Қурғонтеппаи вилояти Хатлон  мусобиқаи ҷумҳуриявии   футбол байни бонувон доир мегардад. 
Тавре ки дар ин бора аз Кумитаи ҷавонон, варзиш ва сайёҳӣ хабар доданд, дар чорабинӣ ширкати дастаҳои вилояти Суғд, Хатлон, Душанбе ва шаҳру навоҳии тобеи марказ дар назар аст. 
Гуфта мешавад ғолибон ва бозингарони беҳтарин бо медалу диплом ва туҳфаҳо қадрдонӣ мешаванд.