Мусодираи 77 кило маводи мухаддир аз Панҷакент

Душанбе, 13.05.2014. (АМИТ «Ховар», Мавҷуда Анварӣ). —  Кормандони мақомоти корҳои дохилӣ дар ҳудуди шаҳри Панҷакент бо гумони муомилоти ғайриқонунии маводи нашъадор шаҳрванд Азизҷон Ғаффорови 34- сола, сокини шаҳри Панҷакентро  дастгир намуданд. 
Зимни азназаргузаронии ҳавлии истиқоматии дастгиршуда 75 килою 950 грамм маводи  нашъадори афюн ва 1 килою 860 грамм маводи сахттаъсири героин дарёфт шуд. 
Маводи нашъадори мусодирашуда 77 килою 810 граммро ташкил медиҳад. 
Нисбат ба далели мазкур парвандаи ҷиноӣ оғоз гардида, тафтиш идома дорад.