Пирӯзии донишҷӯёни тоҷик дар озмуни муҳандисон

Анқара, 12.05.2014. (АМИТ «Ховар, Фарангиз  Раҳимова). – Дастаи  донишҷӯёни тоҷики  муҳассили  Туркия  дар мусобиқаи ҳарсолаи  байни  муҳандисони беҳтарини Туркия  мақоми  аввалро   касб намуданд. 
Дастаи  «Суғдиён»  иборат  аз  донишҷӯёни  тоҷики ихтисоси  гуногуни Донишгоҳи  техникии  Шарқи  Наздики  Туркия Азиз  Маҳмудов,  Ҳилолиддин  Ҷалолиддинзода, Саъдӣ  Сафаралиев  ва  Муҳаммад  Амиршоев  буд.
Озмуни  мазкур  ҳар  сол байни  донишкадаҳои беҳтарини олии  ҷаҳон  баргузор гардида, барои  иштирок дар  он  донишҷӯён —  муҳандисони беҳтарин  интихоб  мегарданд. Дар  ҳошияи  озмун ба иштирокдорони он аз рӯи  лоиҳаи  муҳандисӣ  супориш дода  мешавад, ки онҳо  бояд  дар  давоми  ду  рӯз  механизмҳои гуногунро насб намоянд.
Мувофиқи  суханони  иштироккунандаи  озмун,  донишҷӯи  факултаи  муҳандисии  электроника  Ҳилолиддин  Ҷалолиддинзода, дастаи  донишҷӯёни тоҷик дар  мусобиқоти  интихобӣ  байни  15  дастаи  донишкадаҳои олии  Туркия  мақоми  аввалро  касб  намуд.