Рӯзҳои дарҳои кушодаи Лаҳистон дар Хатлон
Душанбе, 12.05.2014. (АМИТ «Ховар, Кристина Эрлих). – Бо ибтикори Палатаи савдо ва саноати Тоҷикистон ва Сафорати Лаҳистон дар ҶТ охири хафтаи гузашта дар шаҳри Қӯрғонтеппаи вилояти Хатлон рӯзҳои дарҳои кушодаи Лаҳистон баргузор гардиданд. Мақсад аз ин чорабинӣ аз имконоти иқтисодию сармоягузории Лаҳистон муфассал воқиф намудани соҳибкорон ва роҳандозии равобит бо ПСС вилояти Хатлон буд.
Тавре ки аз ПСС ҶТ ба АМИТ «Ховар» хабар доданд, роҳбарони бонкҳо ва корхонаҳои вилояти Хатлон дар ҷараёни муколамаи судманд бо роҳбари шуъбаи мусоидат бо тиҷорат ва сармоягузории Сафорати Лаҳистон Славомир Стшалковски масоили мушаххасро ҷиҳати барқарор намудани ҳамкории дуҷониба муҳокима намуданд.
Соҳаи бонкӣ, сохтмон, саноати нассоҷӣ, ҳамчунин бунёди корхонаҳои муштараки Тоҷикистону Лаҳистон аз ҷумлаи самтҳои имконпазири ҳамкории муфиди дуҷониба дониста шуданд.
«Имрӯз дар Тоҷикистон барои сармоягузории хориҷӣ шароити мусоиду имтиёзнок фароҳам оварда, вақти он расидааст, ки бахши инфиродии Лаҳистон ин имкониятро барои рушди ҳамкории минбаъдаи Лаҳистону Тоҷикистон пурра истифода намояд», — зикр намуд зимни суханрониаш муовини раиси ПСС ҶТ Асаналӣ Карамалиев.
Қобили зикр аст, ки барои ҷалби сармояҳои хориҷӣ ва рушди корхонаҳои саноатии кишвар дар вилояти Хатлон минтақаҳои озоди иқтисодии «Панҷ» ва «Данғара» фаъолият доранд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






