Садамаҳои нақлиётӣ дар Рӯзи Ғалаба

Душанбе, 13.05.2014. (АМИТ «Ховар, Муқаддас  Темурзода). – 9 май  дар  кишвар   ду  садамаи  нақлиётӣ  рух  дод. 
Назар  ба  хабари  ВКД  ҶТ,  ронандаи  автомобили тамғаи  «Musso»,  сокини  35 – солаи   шаҳри  Истаравшан Иброҳим  Аҳроров  дар  роҳи  мошингарди Душанбе —  Хуҷанд – Чаноқ  бехатарии  ҳаракат дар  роҳро  таъмин  карда  натавонист  ва  мошини  номбурда чаппа  шуд. 
Ронандаи  зикршуда ҷароҳатҳои  вазнин  бардошта  дар  маҳалли  воқеа ҳалок гардида,  мусофирони он  Дӯстмуроди  7 — сола  ва Дилмуроди  5 —  сола ҷароҳатҳои  вазнин  бардошта, дар  беморхона  бистарӣ  шуданд.
Худи  ҳамон  рӯз ронандаи  мошини «ВАЗ – 2107»,  Холмурод  Хидирови  48 – сола —  сокини  ноҳияи  Ҷилликӯл дар  ҳолати  мастӣ  дар  роҳи  мошингарди Қӯрғонтеппа —  Қубодиён аз  ӯҳдаи  идораи  нақлиёт  набаромада, мошинаш  ба тавораи  бетонӣ  бархӯрд. Бар  асари  ин  ҳодиса ронанда ҷароҳатҳои  сахт  бардошта,  дар  маҳалли  воқеа ҳалок  гардид.