Семинари муҳосибӣ дар Кӯлоб

Кӯлоб, 12.05.2014. (АМИТ «Ховар», Сулаймони Хол).-8-уми май дар шаҳри Кӯлоб  семинар  оид  ба омӯзиши  нақшаи  ягонаи ҳисоб  бо стандартҳои байналминалӣ  аз ҷониби лоиҳаи ислоҳоти  ба ҳисобгирии муҳосибӣ  дар бахши давлатии ҶТ  доир гардид, ки дар он кулли сармуҳосибони ташкилоту муассисаҳои минтақаи Кӯлоб  ширкат варзиданд.  Ба қавли тренери  соҳаи муҳосибӣ    Абутолиб Юлдошов,  мақсад аз баргузории семинар  интиқоли бақияи тавозун  аз ҳисоби куҳна  табдил додан  ба нақшаи нави  ягонаи ҳисоб, шинос намудани муҳосибон  бо нақшаҳои нав ва истифодаи онҳо  дар амалиёти муҳосибӣ  буд. Дар семинар 185 нафар муҳосибон  ширкат варзида, мавзуъро баррасӣ карданд. 
Дар назар аст  аз 12-уми майи соли ҷорӣ чунин семинарҳо  дар ноҳияҳои Муъминобод, Шӯрообод, Фархор, Ҳамадонӣ, Темурмалик, Данғара ва Восеъ низ гузаронида шаванд.