Шароити хидмати муҳофизони Ватан беҳ мешавад

Душанбе, 13.05.2014. (АМИТ «Ховар, Муқаддас  Темурзода). – Вазири   корҳои  дохилии  ҶТ  Раҳимзода  Рамазон  Ҳамро ва  ёвари  Президенти  ҶТ   оид ба  масоили  амният   Шералӣ  Хайруллоев ба  манзури шиносоӣ бо ҷараёни  корҳои  сохтмонӣ ва  навсозӣ  чанде  пеш  аз қисми  ҳарбии  3502  Раёсати  қӯшунҳои дохилӣ  дидор  намуданд.  Дар  ин  бора  ВКД  ҶТ  хабар  медиҳад.
Номбурдагон  бо  бунгоҳи  назоратию гузаргоҳии  қисми  ҳарбӣ,  хонаи  вохӯрии  сарбозон  бо  волидайн,  ошхонаи  афсарон,  толори  варзиш ва иншоотҳои дигаре, ки   сохтмонашон  идома дорад, шинос  шуданд.
Раҳимзода  Рамазон  Ҳамро ба  шахсони масъул ҷиҳати  ободонӣ ва  кабудизор намудани ҳудуди  қисми  ҳарбӣ  ва  рафъи   нуқсонҳои  мавҷуда  дастурҳои  мушаххас  дод.  
Супориш  дода шуд, ки барои   афсарон  ва  кормандони  дигари  сокини   қисми  ҳарбӣ   бинои   истиқоматии  дорои  ҳамаи  шароити  зарурӣ  мавриди  истифода  қарор  дода шавад. 
Қобили  зикр  аст, ки  ВКД  ҶТ  ба   беҳдошти  шароити  хидмати  афсарону  сарбозони  қисмҳои  ҳарбии  Раёсати қӯшунҳои  дохилӣ  ҳамеша  таваҷҷӯҳи  хоса  зоҳир  менамояд.