Суғд: Вусъати корҳои ободониву таъмири роҳҳо

Хуҷанд, 8.05.2014. (АМИТ “Ховар”, Абдуаҳад Шарифзода),-Дар шимоли кишвар дар қатори корҳои ободониву созандагӣ, мувофиқ ба қарори раиси вилоят  ҷиҳати эълон намудани «Соли 2014 — соли роҳҳои обод» таъмири роҳҳо низ идома дорад.  Тавре ки аз шуъбаи нақлиёт ва коммуникатсияи дастгоҳи роҳбари вилоят иттилоъ доданд, то 1 — уми май дар миқёси вилоят 621,6 км роҳҳои маҳаллӣ таъмир  шудаанд.
Аз ин миқдор 2,6 километри он пурра мумфарш карда шуда, 140,5 километри он аз таъмири ҷорӣ бароварда, 478, 5 км роҳ шағалпӯш шудааст.