Тамдиди истифодаи ҳуҷҷатҳои ронандагии хориҷӣ дар Русия

Душанбе, 13.05.2014. (АМИТ «Ховар», Некрӯзи Муҳаммадсодиқ).-Вазорати корҳои дохилии Федератсияи Русия дар бораи дароз кардани муҳлати фаъолият бо шаҳодатномаҳои ронандагии хориҷӣ дар қаламрави ин кишвар хабар дод. 
Мавриди зикр аст, ки қаблан қонунгузории Русия фаъолияти шаҳрвандони хориҷиро бо шаҳодатномаҳои ронандагии ғайрирусиягӣ манъ намуда буд, аммо бо сабаби он ки қисми бузурги ронандагон дар ин кишвар бо шаҳодатномаҳои хориҷӣ фаъолият менамоянд (яъне муҳоҷири корианд), муҳлати амали ин қонун аввал то 5 майи соли 2014 ва акнун то 1 июни соли 2015 мавқуф гузошта шуд.
 Дар ин бора сухангӯи Вазорати меҳнат, муҳоҷират ва шуғли аҳолӣ Абдулло Қодирӣ иттилоъ дод.