Таъсиси барномаи «Волонтёрони Тоҷикистон» дар «Ҷаҳоннамо»

Душанбе, 13.05.2014 (АМИТ «Ховар», Фарзонаи Давлат).-Бо мақсади таблиғ ва баланд бардоштани сатҳи маълумотнокии аҳолӣ оид ба фаъолияти волонтёрӣ дар Тоҷикистон дар доираи ҳамкории Ассотсиатсияи миллии волонтёрони Тоҷикистон бо шабакаи телевизионии «Ҷаҳоннамо» барномаи телевизионии «Волонтёрони Тоҷикистон» таъсис дода шуд.Тавре ки дар ин бора аз Кумитаи ҷавонон, варзиш ва сайёҳӣ хабар доданд, нахуст намоиши барномаи телевизионӣ 7 май пахш гардидааст, ки дар он роҳбари Ассотсиатсияи миллии волонтёрони Тоҷикистон иштирок намуда, роҷеъ ба зарурати таъсиси ассотсиатсия, ҳадаф, вазифаҳо ва самтҳои афзалиятнок, таҷрибаи кишварҳои хориҷӣ дар самти волонтёрӣ, асноди меъёрӣ-ҳуқуқӣ дар Тоҷикистон суҳбат кардааст.Гуфта мешавад, ки хоҳишмандон барои машғул шудан ба фаъолияти волонтёрӣ метавонанд маълумоти заруриро аз Ассотсиатсияи миллии волонтёрони Тоҷикистон дастрас намоянд.