Викторинаи экологӣ дар дараи Варзоб

Душанбе, 13.05.2014 (АМИТ «Ховар», Назир Назиров).-11 майи соли ҷорӣ бо иқдоми Кумитаи ҳифзи муҳити зисти назди Ҳукумати Ҷумҳурии Тоҷикистон ва Муассисаи давлатии озмоишгоҳи илмӣ-тадқиқотии ҳифзи табиат якҷоя бо хонандагони гимназияи махсуси Донишгоҳи давлатии Маскав ба номи М. В. Ломоносов дар  шаҳри  Душанбе дар яке аз мавзеъҳои хушманзари ноҳияи Варзоб чорабинии экологӣ доир гардид.
 Раиси кумита Хайрулло Ибодзода ба хонандагон барои иштирок дар ин чорабинии экологӣ изҳори миннатдорӣ кард. 
Дар омўзишу шарҳи масъалаҳои экологӣ хонандагон маҳорати хуб нишон дода, ба саволҳои викторина пурраю пурмазмун ҷавоб доданд. Иштирокчиёни фаъоли викторина бо туҳфаҳои хотиравӣ қадрдонӣ гардиданд.
Мақсади асосии чорабинӣ сайқал додани завқи  насли наврас  буда, он дараҷаи ватандўстиву маърифатнокии онҳоро дар самти ҳифзи муҳити зист қавӣ мегардонад.