Иштироки соҳибкорони тоҷик дар намоишгоҳи агросаноатии Беларус

Душанбе, 04.06.2014. (АМИТ «Ховар», Мавҷуда Анварӣ). — Аз 3 то 8 июни соли ҷорӣ дар шаҳри Мински Ҷумҳурии Беларус   Ҳафтаи намоишгоҳи агросаноатии Беларус доир мешавад. Дар он аъзои Палатаи савдо ва саноати кишвар бо ҳайати соҳибкорони Тоҷикистон ширкат доранд. 
Ёдовар мешавем, ки чанде пеш роҳбарону масъулони ширкатҳои бузурги Беларус «МАЗ», «Гомселмаш», «Заводи мошинсозии Мозирск», «Фабрикаи кулоҳҳои «Людмила», «Фабрикаи мебели Ружанск», «Ксант», ки барои роҳандозии робитаҳои тозаи корӣ ба Тоҷикистон омада буданд, дар корхонаҳои азими кишвар «Ёқут — 2000», корхонаҳои семент ва маҳсулоти ширии шаҳри Ёвон, «Мадади Турсунзода», Идораи обу корези шаҳри Душанбе, «Аввалин», «Аркон», «Сохтмон — 3» вохӯриҳо доир намуда, як силсила паймонҳои корӣ бастанд.