Туризм дар ҷомеаи асосёфтаи Тоҷикистон

Душанбе, 9.06.2014. (АМИТ «Ховар», Ситораи Боймурод).- Бо дастгирии Оҷонсии ҳамкории техникӣ ва тараққиёт дар доираи амалӣ намудани Лоиҳаи рушди туризм дар Осиёи Миёна барои 2 соли оянда Барномаи рушд ва пешбарии мавзеъҳои тамошобоби сайёҳӣ ва дастгирии техникии як қатор корҳои дигари ин соҳа ба нақша гирифта шудааст. 
Таъсис ва устувории Асотсиатсияи туризм дар ҷомеаи асосёфтаи Тоҷикистон, бозомузӣ ва омодасозии соҳибкорони хурду миёнае, ки соҳаи туризмро пеш мебаранд, ташкили мизи мудаввар ҷиҳати созмон додани шабакаҳои нави туризм дар ҷомеаи асосёфта аз ҷумлаи ин чорабиниҳост. Зимни мизи мудаввар ҳамоҳангсозии фаъолияти субъекҳои хоҷагидори соҳаи туризм дар Тоҷикистон барои амалии лоиҳаи «Рушд ва пешбарии мавзеъҳои тамошобоби сайёҳӣ» баррасӣ шуда, роҳҳои нави ҳамкорӣ муайян мегарданд. 
Гуфта мешавад, ки мизи мудаввар вобаста ба иҷрои қарори Ҳукумати Ҷумҳурии Тоҷикистон аз 3 майи соли 2014 №301 «Дар бораи Нақшаи чорабиниҳо оид ба беҳтар намудани фазои самоягузорӣ дар бахши туризм дар Ҷумҳурии Тоҷикистон» роҳандозӣ мешавад.