Ғалабаи навбатии «Хайр»

Душанбе, 23.10.2014. (АМИТ «Ховар»). – 22  октябр  вохӯриҳои  мавқуф  гузошташудаи  даври  13  — уми  мусобиқоти  Тоҷикистон  оид ба  футбол  байни  дастаҳои  лигаи  олӣ баргузор  гардиданд. 
Тавре  ки  аз  Федератсияи  футболи  Тоҷикистон хабар  доданд, дастаи  «Истиқлол» — и  шаҳри  Душанбе, ки  ҳанӯз  дар  даври   гузаштаи  мусобиқот  пеш  аз  мӯҳлат мақоми  аввалро   касб  намуд,  дар  шаҳри  Кӯлоб дастаи  «Равшан» — ро  бо  ҳисоби  2:1  мағлуб  сохт. 
Дар  вохӯрии  дигари  даври  13 – уми  мусобиқот  дастаи  «Хайр» — и  Ваҳдат дар  майдони  худ бо  ҳисоби  2:1  бар  дастаи  «Регар – ТадАЗ» — и  шаҳри  Турсунзода  пирӯз  шуд. 
Вохӯрии  байни  дастаҳои  «Вахш» ва  «Энергетик» баргузор  нашуда, дастаи «Энергетик» бо  ҳисоби 0:3мағлуб  дониста  шуд. 
Ёдовар  мешавем, ки  дастаи  «Вахш»  бо 10  хол  дар  ҷадвали  мусобиқот ҷойи  9 – умро  ишғол  менамояд.