Ғолибони «Дидор» муайян гардиданд
Душанбе, 21.10.2014. (АМИТ «Ховар», Манижа Баҳромзода) Синамобазми шашуми байналмилалии «Дидор» дирӯз, 20-уми октябр дар шаҳри Душанбе ҷамъбаст гардид. Дар маросими пӯшидашавии «Дидор» синамогарони Осиёи марказӣ, Арманистон, Гурҷистон, Озарбойҷон, Русия, Афғонистон, Эрон ва Тоҷикистон ширкат намуда, бо ҷоизаҳои махсус қадрдонӣ шуданд.
Шоҳҷоизаи синамобазми «Дидор» ба филми «Имтиҳон» («Испытание»)-и коргардон Александр Котт аз Федератсияи Русия барои беҳтарин филми пурраметражи ҳунарӣ дода шуд. Мақоми дуввум насиби филми «Динола»-и коргардон Марям Хатчавали аз ҷумҳурии Гурҷистон барои беҳтарин филми кӯтоҳметражи ҳунарӣ гардид ва мақоми сеюмро филми «Қиссаҳои бачаи шӯхи беқарор»-и коргардонҳо Ҳодим Ҳусайн ва Вайс Санҷар аз Ҷумҳурии Исломии Афғонистон барои ҷавонтарин коргардони филм касб кард. Инчунин Ҷоизаи махсуси дафтари СММ дар Тоҷикистон «Барои инъикоси ормонҳои башардустӣ» ба Саъдулло Раҳимов, арт-директори синамобазми байналмилалии «Дидор», ҷоизаи махсуси намояндагии «Россотрудничество» барои намоиши филми ҳуҷҷатии Владимир Ерофеев ба Сергей Каптерев ва ҷоизаи махсуси ширкати «Рухом» барои беҳтарин филми мустанад ба Аловуддин Абдуллоев аз Тоҷикистон тақдим гардид.
Синамобазми шашуми байналмилалии «Дидор» соли 2004-ум таъсис ёфта, имсол даври шашуми он ба бузургдошти 110- солагии Комил Ёрматов-асосгузори синамои Тоҷикистон ва Ўзбекистон бахшида шуд.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
