Қадрдонӣ ва кумак ба 85 нафар сокини 90-солаи Душанбе

Душанбе, 18.10.2014.(АМИТ «Ховар», Марзия Саидзода).-Шаҳрдории Душанбе дар доираи ҷашни 90-солагии пойтахт ба 85 нафар сокини 90-солаи Душанбе кумаки якдафъаинаи молиявӣ расонд. Дар иртибот ба ин бо қарори раиси шаҳри Душанбе Маҳмадсаид Убайдуллоев аз буҷети шаҳр 161 ҳазор сомонӣ ҷудо карда шуд. Аз ҷумла, ҳар кадоме аз 20 нафар сокини 90-солаи Душанбе, ки иштирокчиёни Ҷанги Бузурги Ватанианд, бо 1500 сомонигӣ, инчунин 65 нафар сокини дигари 90-солаи пойтахт ва 66 нафар собиқ раисони шаҳр, муовинони раиси шаҳр ва раисони ноҳияҳо ҳар кадоме бо 1000 сомонӣ қадрдонӣ шуданд.