Ҳафтаи таҳсилоти калонсолон дар Душанбе

Душанбе, 20.10.2014. (АМИТ «Ховар», Фарзона  Достонзода). — Имрӯз, дар  шаҳри  Душанбе  Ҳафтаи   таҳсилоти  калонсолон оғоз  меёбад.
Тавре  ки  аз  Ассотсиатсияи  таҳсилоти  калонсолони Тоҷикистон  ба  АМИТ «Ховар»  хабар  доданд,  мақсад  аз   роҳандозии  ин  иқдом   тарғиби   низоми  таълими  калонсолон,  баррасии  масоили  рушди   низоми  таҳсилоти  калонсолон  дар  системаи  умумии  маориф  ва  истифодаи   самарабахши  таҷрибаи  пешқадами  таҳсилоти дар  кишварҳои  дигар  андӯхташудаи   калонсолон  аст. 
Дар  ҳошияи  ҳафта, ки  то  24  октябр  идома  меёбад,  чорабиниҳои  мухталиф  аз  қабили  доир  намудани  ярмаркаи   таҳсилотӣ   дар  бинои Маркази исмоилиён, муаррифии  маҷаллаи  «Таҳсилоти  калонсолон дар  Тоҷикистон»  Рӯзи  таҳсилоти  калонсолон  дар   Осорхонаи  миллӣ ва  роҳандозии  мизи  мудаввар  дар  мавзӯи  «Дурнамои  рушди  интихоби  касб  дар  Тоҷикистон» мебошад.