Ҳамлаи роҳзанона ба маркази сӯхти «Умед — 88»

Душанбе, 20.10.2014. (АМИТ «Ховар»). — Шаби  16  октябр  якчанд  нафар  шахсони  ниқобпӯш  ба  кормандони  маркази  маводи  сӯхти «Умед — 88» воқеъ дар  кӯчаи  Шестопалови  шаҳри Душанбе ҳамла оварданд.
Назар  ба  хабари  ВКД  ҶТ,  шахсони   гумонбар кормандони  маркази  мазкурро  латукуб ва  захмӣ  намуда,  шишаҳои  бинои  марказро  шикаста  вориди  он  шуда,  беш  аз 4  сомониро аз  худ   намуда,  аз ҷойи ҳодиса ғайб  заданд.
Кормандони  шуъбаи  ВКД ноҳияи  Синои  пойтахт сокинони  ноҳияи  Ҳисор  Фарҳод  Абдуллоеви  23 —  сола ва Баҳрулло Мустафоқулов,  ҳамчунин  Мурод Назарови  22 — сола,  Сиёвуш  Одилҷони  21  — сола  ва   сокини  шаҳри  Душанбе  Эмомиддин  Баҳодурови  22 —  соларо  бо  гумонбари  ин  ҳамла  сари  вақт  дастгир  намуданд.
Алҳол  кормандони  милиса   барои  дастгир  намудани шахсони  дигари  ба  ин  ҷиноят   гумонбаршуда чора  мебинанд.
Аз  рӯи  ин  қазия   парвандаи  ҷиноӣ  кушода,  тафтишот  идома  дорад.