Ҳамоиши байналмилалӣ дар Қатар
Душанбе, 21.10.2014. (АМИТ «Ховар», Кристина Эрлих). – Чанде пеш дар Қатар ҳамоиши байналмилалии намояндагони мақомоти ҳифзи ҳуқуқи кишварҳои Халиҷи Форс, Осиёи Марказӣ ва Аврупои Ҷануби Шарқӣ дар мавзӯи «Ҷилавгирии нашъамандӣ ва бехатарии маводи нашъаовар ва моддаҳои фалаҷкунандаи асаб», ки бо ибтикори Раёсати оид ба маводи мухаддир ва ҷинояткории СММ роҳандозӣ шуда буд, корашро анҷом дод.
Назар ба хабари Агентии назорати маводи нашъаовари назди Президенти ҶТ, дар ҷараёни мулоқот вазифаҳои мақомоти ҳифзи ҳуқуқи кишварҳои Халиҷи Форс, Аврупои Ҷануби Шарқӣ ва Осиёи Марказӣ дар мубориза бо қочоқи маводи мухаддир дар минтақаҳои зикршуда, танзими фаъолияти хадамоти оид ба ҷилавгирии нашъаҷаллобӣ дар минтақаҳо мавриди муҳокима қарор гирифт.
Дар ҳамоиш аз ҷониби Тоҷикистон муовини директори Агентии назорати маводи нашъаовар Ҳалим Маҳмудзода дар бораи муборизаи зидди гурӯҳҳои муташаккили ҷинояткор сухан карда, пешниҳод намуд, ки барои ҷилавгирии қочоқи маводи мухаддир якҷоя мубориза бурда шавад. Намояндагони сохторҳои ҳифзи ҳуқуқи кишварҳои минтақа ин пешниҳодро пазируфтанд.
Ҳамоиши оянда дар шаҳри Теҳрон баргузор мешавад.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
