Ҷаласаи байниҳукуматии Тоҷикистону Олмон
Душанбе, 24.10.2014. (АМИТ «Ховар»). — Рӯзҳои 28-29-уми октябри соли равон дар шаҳри Бонни Ҷумҳурии Федеративии Олмон ҷаласаи навбатии Комиссияи байниҳукуматии Тоҷикистону Олмон оид ба ҳамкориҳо баҳри рушд баргузор мегардад. Дар кори ҷаласаи мазкур ҷониби Тоҷикистонро Муовини вазири рушди иқтисод ва савдои Ҷумҳурии Тоҷикистон С. Назриев роҳбарӣ менамояд. Дар кори ҷаласа намояндагони вазорату идораҳои дахлдор ва Сафири Тоҷикистон дар Олмон М. Неъматов иштирок мекунанд.
Дафтари матбуоти Сафорати Ҷумҳурии Тоҷикистон дар Олмон иттилоъ медиҳад, ки дар рафти ин ҷаласа самтҳои асосии ҳамкориҳои ҳар ду кишвар баҳри рушд барои солҳои 2015-2016 мавриди баррасӣ қарор мегиранд. Ёдовар мешавем, ки Олмон то имрӯз дар доираи ҳамкориҳо баҳри рушд ба иқтисоди Тоҷикистон наздики 250 миллион евро кӯмакҳои молиявӣ ва техникӣ пешниҳод намудааст.
Илм ва маориф, тандурустӣ, ҳифзи иҷтимоӣ ва рушди инфрасохтор дар деҳот, рушди савдои байнимарзӣ, инчунин ҳифзи муҳити зист ва рушди соҳибкорӣ ва ғайра аз ҷумлаи бахшҳое мебошанд, ки дар рафти ҷаласаҳои ҳайатҳои Тоҷикистону Олмон дар шаҳри Бонн мавриди баррасӣ қарор мегиранд.
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
