Ҷаласаи Шӯрои ҳамкорӣ миёни Тоҷикистон ва Иттиҳоди Аврупо
Душанбе, 21.10.2014 (АМИТ «Ховар»).- 20 октябри соли 2014 дар шаҳри Люксембург ҳайати Ҷумҳурии Тоҷикистон таҳти роҳбарии вазири корҳои хориҷӣ Сироҷидин Аслов дар ҷаласаи 4-уми Шӯрои ҳамкорӣ миёни Ҷумҳурии Тоҷикистон ва Иттиҳоди Аврупо ширкат варзид.
Зимни ҷаласаи Шӯро ҷонибҳо оид ба рушди ҳамкорӣ миёни Тоҷикистон ва Иттиҳоди Аврупо дар соҳаҳои иқтисод, энергетика, фарҳанг ва маориф, татбиқи Стратегияи ИА дар Осиёи Марказӣ ва лоиҳаву барномаҳои ИА дар Тоҷикистон мубодилаи афкор намуда, ҳамзамон масоили минтақавию байналмилалиро муҳокима карданд.
Дар ҷаласа изҳороти муштарак оид ба истиқбол намудан аз қарори Комиссияи Аврупо роҷеъ ба қабул намудани «Барномаи бисёрсолаи индикативӣ барои солҳои 2014-2020» дар ҳаҷми 251 млн. евро, ки дар чаҳорчӯби Стратегияи нави ИА барои Осиёи Марказӣ амалӣ хоҳад шуд, ба имзо расид.
Бояд зикр кард, ки дар кори Шӯро ҷониби Иттиҳоди Аврупоро муовини вазири корҳои хориҷии кишвари раисикунандаи ИА (Италия) Бенедетто Делла Ведова раҳбарӣ намуд.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
