Ҷамъбасти натоиҷи фаъолияти «Амонатбонк»

 
Душанбе, 20.10.2014. (АМИТ «Ховар»). —  Чанде  пеш  дар  шаҳри  Душанбе ҷаласа аз рӯи натиҷаи  фаъолияти Бонки  давлатии  амонатгузории  «Амонатбонк»- и  Тоҷикистон тайи  9  моҳи  соли  ҷорӣ баргузор гардид. 
Назар  ба  хабари   «Амонатбонк»,  дар  ҷараёни  ҷаласа  зикр  шуд, ки активи бонк  аз  оғози  соли  ҷорӣ   39,7  фоиз  афзуда, баробари 1  миллиарду  800 миллион сомонӣ шуд. 
Ҳаҷми  сармояи  бонк   дар  давраи  ҳисобот  баробари  210  миллион  сомонӣ  афзуд, ки  нисбат ба  хамин  давраи  гузашта  19  фоиз  зиёд  аст. 
Ғайр  аз  ин  фоидаи  холиси бонк то  андозбандӣ 30  миллиону  300  ҳазор  сомониро  ташкил дода, баъди  пардохти  андозҳо баробари  22  миллиону  700  ҳазор  сомонӣ буд, ки  ин  назар  ба  нишондодҳои соли  2013  баробари  31  фоиз  зиёд  аст.