Ҷамъоварии пахта дар ҷумҳурӣ 63,7 фоизро ташкил дод

Душанбе, 21.10.2014. (АМИТ «Ховар», Зарангези Латиф).- Тибқи маълумотҳои фаврии Вазорати кишоварзӣ  дар бораи ҷамъоварии пахта дар вилоятҳо, ноҳияҳо ва хоҷагиҳо дар ҳафтаи гузашта дар саросари ҷумҳурӣ 231 ҳазору 407 тонна пахта ҷамъоварӣ гардидааст, ки ин ба 56,7 фоизи нақша  баробар аст. Аз ин миқдор хоҷагиҳои пахтакори вилояти Суғд  73 ҳазору 183 пахта ҷамъоварӣ намудаанд, ки 63, 6 фоизи нақшаи дурнаморо ташкил медиҳад.
Хоҷагиҳои пахтакори вилояти Хатлон 54, 4 фоизи нақшаи солонаро иҷро намуданд. Тибқи маълумотҳои охирини Агентии омори назди Президенти Ҷумҳурии Тоҷикистон пахтакорони ноҳияҳои тобеи ҷумҳурӣ то ин муддат ба қадри 47,7 фоизи нақшаи солона пахта ҷамъоварӣ намудаанд.