«Ҷустуҷӯи эҷодӣ»-маҳфили илмӣ

Душанбе, 24.10.2014. (АМИТ «Ховар», Раъно Нусратуллозода).- Дар кафедраи молия ва муомилоти пулии Донишкадаи молия ва иқтисоди Тоҷикистон  22 октябри соли ҷорӣ маҳфили илмии навбатии донишҷӯён таҳти унвони «Ҷустуҷӯи эҷодӣ» доир гардид. Мудири кафедраи мазкур Ш.Нуров ҳадафи асосии маҳфилро ба баҳси илмӣ ҷалб намудани донишҷӯён арзёбӣ кард. 
Бино ба иттилои котиби матбуоти донишкада  Машҳура  Абдуллоева,
дар ҳамоиш донишҷӯён дар мавзӯи «Муаммоҳои молиявии рушди устувории иқтисодӣ», «Аҳамияти муомилоти пули ғайринақдӣ дар шароити муносибатҳои молиявӣ» баромад карда, ба суолҳои сершумори ҳозирин посух доданд. 
Дар баромадҳо гуфта шуд, ки бо гузариш ба муносибатҳои бозаргонӣ дигаргун сохтани низоми молиявӣ ва ҳалли муаммоҳои молиявии барои таъмини рушди устувори иқтисодӣ ва баланд бардоштани сатҳи зиндагии мардум мусоидаткунанда вазифаи аввалиндараҷаи давлат ба шумор меравад.