Аҷаб шаҳри дилороӣ, Душанбе!

Душанбе, 20.10.2014. (АМИТ «Ховар», Раъно Нусратуллозода).-Бо ташаббуси шуъбаи тарбия ва садорати факултаҳои Донишкадаи молия ва иқтисоди Тоҷикистон дар доираи чорабиниҳои «Даҳ рӯзи пойтахт» 17 октябри соли равон озмуни газетаи девории беҳтарин таҳти унвони «Аҷаб шаҳри дилороӣ, Душанбе!» доир гардид. Дар он маҳсули дасти донишҷўёни тамоми факултаҳо ба маърази тамошо гузошта шуд. 
Тавре ки котиби матбуоти донишкадаи мазкур Машҳура Абдуллоева иттилоъ дод, аъзои ҳакамон ба мантиқ, мазмун, ороиш, теъдод, муаррифӣ ва маҳсули дасти худи донишҷӯён будани ин газетаҳо баҳои воқеӣ гузоштанд.
Тазаккур бояд дод, ки донишҷӯёни ҳамаи факултаҳо кӯшиш кардаанд, ки маҳорати рассомӣ ва нуктафаҳмии хешро дар мисоли маҳсули меҳнати худ ба ҳамагон нишон диҳанд.
Озмун имрӯз, 20 октябр ҷамъбаст гардида, ғолибон бо туҳфаҳои хотиравӣ қадрдонӣ  мешаванд.