Афзоиши бақияи пасандозҳои шахсони воқеӣ

Душанбе, 24.10.2014. (АМИТ «Ховар», Лайло Тоирӣ).-    Тавре ки  аз маълумотҳои оморӣ бармеояд, тамоюли зиёдшавии бақияи пасандозҳо дар ташкилотҳои қарзии кишвар идома дорад. Нишондиҳандаи мазкур дар моҳи сентябри соли ҷорӣ нисбат ба ҳамин давраи соли гузашта 17,9 фоиз афзудааст. 
     Таркиби бақияи ҳаҷми пасандозҳо дар нуҳ моҳи соли равон аз 34,5 фоиз (2’167,4 млн. сомонӣ) пасандозҳои шахсони ҳуқуқӣ ва 65,5 фоиз (4’109,1 млн. сомонӣ) пасандозҳои шахсони воқеӣ иборат буда,  ҳиссаи пасандозҳои шахсони воқеӣ дар ҳаҷми умумии ин маблағҳо рӯз то рӯз зиёд шуда истодааст. 
  Бино ба маълумоти хадамоти матбуоти Бонки   миллии Тоҷикистон, дар ин давра фоизҳои миёнавазни пасандозҳо бо пули миллӣ 15,10 фоиз ва пасандозҳо бо асъори хориҷӣ 12,04 фоизи солонаро ташкил намуданд.