Баррасии фаъолияти Вазорати молия

Душанбе, 20.10.2014. (АМИТ «Ховар», Кристина  Эрлих). — Охири ҳафтаи  гузашта  дар  шаҳри  Душанбе   натиҷаи  иҷрои  Буҷети давлатии  Тоҷикистон тайи  9  моҳи  соли  2014  ва  вазифаҳо ҷиҳати  рушди  судманд ва истифодаи  маблағҳои  давлатӣ  барои  семоҳаи  чоруми  соли  2014  мавриди  муҳокима  қарор  гирифт.
Тавре  ки  аз  котиботи  Вазорати  молияи  ҶТ  ба  АМИТ «Ховар»  хабар  доданд, дар  ҷаласаи  ҳайати  раёсат  ҳисоботи роҳбарони раёсатҳои  молиявии  вилоятҳо ва   шаҳру  ноҳияҳои  кишвар,  ҳамчунин  ташкилотҳои  зертобеи  Вазорати  молияи  ҶТ  шунида шуд.
Дар  анҷоми  ҷаласа  вазири  молияи  Ҷумҳурии  Тоҷикистон  Абдусалом  Қурбонов  ба  кормандони  дахлдори  вазорат  барои  сари  вақт  ва   хушсифат  иҷро  шудани  Буҷети  давлатӣ дар  семоҳаи  чорум ва  умуман  дар  соли  2014  супоришҳои  мушаххас  ироа  намуд.