Баррасии масоили муҳоҷират дар Суғд

Душанбе, 22.10.2014. (АМИТ «Ховар», Зарангези Латиф).-Дирӯз дар Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд дар ҳамкорӣ бо ташкилоти ҷамъиятии «Марказ оид ба мусоидат ба муҳоҷирон» семинар барпо шуд.
Дар кори семинар кормандони дастгоҳи раёсат ва намояндагони шуъбаю бахшҳои Хадамоти муҳоҷират дар шаҳру ноҳияҳо, намояндагони Қӯшунҳои сарҳадии КДАМ-и Ҷумҳурии Тоҷикистон ширкат варзиданд.
Ба иттилои сомонаи расмии раиси вилояти Суғд ҳуқуқшиноси «Марказ оид ба мусоидат ба муҳоҷирон» Таҳмина Файзуллоева аҳли толорро бо мақсади семинар ва мафҳумҳои асосии муҳоҷират шинос намуд.
Сипас, тренерҳои ташкилоти ҷамъиятии «Партнёр» Рустам Гулов ва Мансур Шарифов оид ба пешгирии бемориҳои сироятӣ, хариду фурӯши одамон, масълаҳои гендерӣ сухан гуфтанд.