Баррасии муносиботи иҷтимоию меҳнатӣ дар Душанбе

Душанбе, 31.10.2014. (АМИТ «Ховар», Лайло Тоирӣ).- Конфронси илмию амалӣ дар мавзӯи «Масоили рушди башарии Тоҷикистон дар намунаи ислоҳоти муносиботи иҷтимоию меҳнатӣ» кори худро имрӯз дар Душабе ба анҷом расонид. Конфронс аз ҷониби муассисаи давлатии «Институти илмию тадқиқотии меҳнат, муҳоҷират ва шуғли аҳолӣ» ташкил гардид.
Тавре аз Вазорати меҳнат, муҳоҷират ва шуғли аҳолӣ иттилоъ доданд , олимон  ва коршиносони  соҳаи иқтисод, мутахассисон, намояндагони вазорат ва идораҳои мухталиф масоили марбут ба рушди иҷтимоӣ, танзими раванди муҳоҷирати меҳнатӣ ва омодагии касбии ҷавобгӯ ба талаботи бозори меҳнатро баррасӣ менамоянд.