Баррасии осори Ҷомӣ чун воситаи пандомӯз

Душанбе, 27.10.2014. (АМИТ «Ховар», Раъно Нусратуллозода).-29- уми октябри соли ҷорӣ бо ташаббуси Академияи таҳсилоти Тоҷикистон бахшида ба 600- солагии бузургдошти Мавлоно Абдураҳмони Ҷомӣ конфронси илмӣ- амалӣ дар мавзўи «Масъалаҳои таълим ва тарбия аз дидгоҳи Ҷомӣ» гузаронида мешавад.Дар барномаи конфронси мазкур қироат ва муҳокимаи 18 маърўза дар мадди назар аст.Маърўзагарон, асосан кормандони Академияи таҳсилоти Тоҷикистон ва зерсохтори он Пажўҳишгоҳи рушди маорифи Тоҷикистон, инчунин, омўзгорони ботаҷриба аз шаҳру ноҳияҳои Чкаловск, Хуҷанд, Ғонҷӣ, Истаравшан ва Ваҳдат мебошанд. Зимни баромади маърўзагарон, пеш аз ҳама, ду масъала- ҷанбаҳои тарбиявии осори Ҷомӣ аз диди педагогика ва методу усулҳои таълими ҳаёт ва фаъолияти эҷодии ў дар муассисаҳои таҳсилоти миёнаи умумии Тоҷикистон мавриди баррасӣ қарор мегиранд. Ҳамзамон бояд таъкид намуд, ки дар иртибот ба масъалаи дувум на фақат роҳу усулҳои таълими Ҷомӣ дар ҷараёни таълими фанни адабиёти тоҷик, ҳамчунин осорӣ Ҷомӣ дар китобҳои дарсии забони тоҷикӣ ва истифодаи осори ў ҳамчун воситаи дидактикӣ дар ҷараёни таълими забони тоҷикӣ матраҳ хоҳад гашт.