Беҳтарин навъҳои пахтаи ватанӣ
Душанбе, 21.10.2014. (АМИТ “Ховар”, Ситораи Боймурод).- Натиҷаи корҳои илмию таҳқиқотии олимони Институти зироаткорӣ ва муассисаҳои тобеи он дар минтақаҳои ҷумҳурӣ ба таври васеъ татбиқ мешавад. Тибқи маълумоти Сарраёсати кишоварзии вилояти Хатлон навъҳои пахтаи офаридаи олимон дар ноҳияҳои вилояти Хатлон дар соли 2014 дар масоҳати 113 ҳазору 469 га кишт шуд, ки аз он пахтаи ватанӣ 95 ҳазору 597 га ё 84%-и майдони умумии пахтаи вилоятро ташкил медиҳад.
Дар ноҳияҳои тобеи марказ дар майдони 4,5 ҳазор га пахта кишт шудааст, ки аз он 60% навъҳои ватанӣ мебошанд.
Тибқи иттилои Сарраёсати кишоварзии Суғд соли 2014 навъҳои пахтаи ватанӣ дар масоҳати 54 ҳазор га кишт шудаанд, ки аз он “Хуҷанд-67”, “Неъмат”, “Ориёӣ”, “Ирам-1МН”, “Исписор” ва “Сорбон” дар майдони 30 ҳазор га ё 55%-и майдони умумии пахтаи вилоятро ташкил медиҳанд.