«Бохтар» дар Варзоб ид дорад

Душанбе, 30.10.2014. (АМИТ «Ховар», Марҳабои Азамат). — Субҳи 29 октябр дар маркази ноҳияи Варзоб нишасти матбуотӣ, намоиши филм, маросими ифтитоҳи намоишгоҳи асбобу анҷоми мактабиён ва консерти ҳунарпешагони маҳаллӣ баргузор гардид. Дар ин бора аз Маркази фарҳанги «Бохтар» ба АМИТ «Ховар» хабар доданд.Назар ба хабари манбаъ, ин чорабинӣ дар ҳошияи ҳафтаи Аврупо, ки аз 25 октябр то 9 ноябр дар Тоҷикистон идома меёбад, роҳандозӣ шуд.Ёдовар мешавем, ки Маркази фарҳанги «Бохтар» дар доираи Ҳафтаи Аврупо ҷашнвораи филмҳои Аврупоро ташкил намуд, ки он то 31 октябр давом мекунад. Ба барномаи ҷашнвора беҳтарин филмҳои бадеию мустанади синамогарони Испаниё, Италиё, Маҷористон ва Олмон шомиланд.