Бозбинӣ ва қатъи маъюбии 8525 маъюб дар минтақаи Кӯлоб

 Кӯлоб,  24.10.2014. ( АМИТ «Ховар», Сулаймони Хол).-Раёсати Агентии суғуртаи иҷтимоӣ ва нафақаи минтақаи Кӯлоб фаъолияти кории 9 моҳи соли ҷории худро ҷамъбаст намуд. 
Ба иттилои сардори раёсати мазкур Ҷӯрабек Қурбонов дар минтақаи Кӯлоб шумораи нафақагирон 73 ҳазору 917 нафар буда, талаботи моҳонаи нафақа  16747,1 сомонӣ аст. 
Аз аввали  сол бошад, талаботи нафақа 160712,2 ҳазор сомониро  ташкил менамуд, ки пурра маблағгузорӣ гардида, айни ҳол бақияи қарздории нафақа мавҷуд нест.
«Бо мақсади иҷрои фармоиши муштараки Вазорати тандурустӣ ва ҳифзи иҷтимоӣ, Агентии суғуртаи иҷтимоӣ ва нафақа ва Бонки давлатии амонатгузории ҶТ «Амонатбонк» аз 5-уми июни соли ҷорӣ дар асоси  мактуб ва руйхати омодашуда аз тарафи Хадамоти давлатии ташхиси тиббию иҷтимоӣ дар минтақаи Кӯлоб бо мақсди боздид ва қатъ намудани маъюбӣ 8525 нафар  маъюбони  гурӯҳҳои 1 ва 2 аз талаботи нафақа муваққатан боздошт ва қатъ карда шуданд», афзуд манбаъ.